Nawras



"توحّشتك .." ، ضعفت و وشوشتهالو .. عندي برشة نشدّ في روحي و نخبّي و ننسّي في روحي .. واليوم شفتو و مانجّمتش نسكت .. ما نجّمتش نشدّ روحي ، و ننسّيها ..
إنت الّي ذقت هبالي و كتبتني في أوراق بيض ، ضحّكتني و بكّيتني ، عنّقتني وقت الّي حدّ ما عرف كيفاش يشدّني ، و منين يدخلّي .. حبّيتني قبل الناس لكلّ و هزّيتني لقلوبهم .. إنت الّي حبّبتني ليهم و حبّبتني فيهم و فيّ ..
حبارك شرق بدموع عينيّ و لوّنلي ضحكتي .. كيفاش بعد هذا الكلّ ما نقلّكش "توحّــــــــــــــــــــ...." و  تطوال الكلمة في فمّي ، و آنا مانحبّهاش توفى ، نحبّ نعطيها من روحي باش تزيد تعيش ، نحبّها تتنفّس كلّ شيّ فيّ و كيف نوصل لل"..ـــــــــشتك" تتحرق بيّ .. وترجعلي .. يا الّي ما فهمني قدّك حدّ حتّى روحي .. توحّشت تكتبني كيف قبل و تلعب بكلامي و نولّي خيال على ورقة .. اكتبني و آنا نوعدك ما نهربش ..
Libellés : edit post
Réactions : 
3 Responses
  1. Chimère Says:

    توحّشت تكتبني كيف قبل و تلعب بكلامي و نولّي خيال على ورقة ..لكن ما نوعدكش ما نهربش :)

    شيمار




Enregistrer un commentaire

Related Posts with Thumbnails