Nawras



تعالى ..
أسكن شهقاتك ثغري
وعاتب لساني ،
أمعن بلومه
تشبّث به
حتّى يصير كحلوى
تلذّذ بها حتّى تذوب ..
أذبني بشهوه
في جوف ثغر لعوب ..

تعالى ..
طوّقني شوقا
أوجع شفاهي بقبلة ..
وانتقم لكل دمعة 
بقضمة ولعقة ..

أتبكي بعد ؟
دمعك يرجفني ،
كعروس سكّر
يذيبني في يديك ..
ماذا تبقّى منّي لديك ؟
وسالت دموعي 
لوخز السؤال
على كتفيك 
أحرّ من النار بجوف المساء ..
تُراني بحضنك 
أبكي عليك ؟

تعالى ..
أتشعر بي ؟
أتشعر بالنار
حين تشدّ يدي ؟
أتشعر بالاختناق 
حين ألفظ أنفاسي
على عنقك
كل عناق ؟
أتشعر بالارتجاف
حين تمرّر يديك بشعري
وتمسح حمّى جبيني
المبلّل ذات انجراف ..

تعالى
وامنعني من الانصراف
واجه نظراتي ،
حاصر أفكاري الهاربات ..
سأخفي بجفنيّ عشقا دفينا
سأغلق حتما باب قلبي
والذكريات ..
سألجم نفسي
وأقتل الوقت والكلمات ..

تعالى ..
ستجرحك بالكاد عيناي ،
ستوهمانك شيئا كثيرا ..
وتعبث بعيدا عن يديك 
يداي ..
فطوّقني قسرا
واترك صدّاتي تضيع سُدى ..
تمتم :"أحبّك" ، تنفّس شذاي ..

أتحسب أنّي هويته أكثر ؟
جهلت إذن عظيم هواي !
دموعي حين تقول : "أحبّك"
لايحترق من هماها سواي ..
فهل أُشهد حبري وكفّي الذي تعشقه
وتفاصيل لمساتك الحارقة
بأن قد أردتني هوى
مقلتاي ؟

رذاذ الفراق أليم 
وقرقعة الوداع لها لون
 سرمديّ عقيم
لايجهض صمتها غير "أحبّك"
كالمركب الورقي تهيم ..
مهما لاطمها الموج تظلّ عصيّة
تنير الروح وتضيء الأديم ..
تعالى وقُلها 
فلاشيء إلاّها يُنسي الجحيم ..
Libellés : 3 commentaires | edit post
Réactions : 
Nawras




نحبّ نكتب ع الّي هزّ
كفنو على كتفو
وقال : هنا نموت ..
وماخافش ،
سال دمّو
على ورق التوت
ولا همّو
عمرو يتسرق منّو
ويفوت..

نحبّ نكتب باللغات الكلّ ،
بلهجة الغالية الحنينة
الّي نهبوا ضحكتها 
وحرموها منّا
وبكّاوها علينا ..

نحبّ نكتب ع الموجوع
الكلمة في عظامو تجوع
تحبّ تخرج ..
تحبّ تاكل اللسان والوذن ..
مكبوتة في حبس ضلوع ..

نحبّ نكتب ع الّي قلبو تحرق
شواه الظلم
سلّة .. سلّة ..
كيف الغالي من قدّام عينيه تسرق ..
بين حلم وعلم ،
ماتت الدمعة في عينو ..
وشهق ..

نحبّ نكتب ع الّي حلم
ومع الناس الحلمة قسم
وآمن بيها وخدم ..
كيف خنقوها قدّام عينيه ،
سكت وبلعها بالدم ..

نحبّ نكتب ع الّي يتفرّج وساكت
والّي يتكلّم ومش فاهم
والّي فاهم وسكّتوه
والّي حبّوا يسكّتوه وماسكتش ،
وكيف سكت قالوا كذب ..
بن علي غلّط شعب كامل
وخلاّه يحسب قدّاش نهب ..

نحبّ نكتب ع الّي باع ترابك يا تونس
ما أرخص الكلمة
الّي تقهر جفنك
والفمّ الّي كلا من لحمك
كيف الشفّة جات تبوسك ..
وفات يا غافل فلوسك ..

نحبّ نكتب ع الّي قالوا عليها وليّة
دهموا عليها في الظلام
سرقوا من عينيها كلام
وخلاّو في جواجيها 
جمرة منسيّة
ورقة صغيرة مطويّة
عليها مائة قطرة دم
ريحتهم طيّبة وزكيّة
كلّ شهيد خلاّ قطرة وصيّة :
"تونس .. ثمّ تونس .. ثمّ تونس" ..

نحبّ نكتب .. 
سكت القلم 
وضاع الكلام في الثنيّة ..
Libellés : 1 commentaires | edit post
Réactions : 
Nawras



يحكيو على ثورة عملوها أحرار
سمّاوهم الناس ثوّار
سقاوها من عينيهم
ودمّهم
دموع ونار
توّة ولّى عمرها 4 شُهر
مزّالت كيف بدات تلاغي
كيف يقولولها "الشعب حرّ"
تضحك ..
وتضحك ..
وتضحك ..
تسمعوا بيه الضحك المرّ ؟

على ثورة ،
لا مش الّّي يركبوا عليها
ويحلبوها ألف مرّة
كلّ نهار ..

على ثورة ،
بين النفس والنفس
خذات نفس
نِفسوها
طلع نصفها إشاعة 
ضاق عليها النفس
قالولها : باهيلك بش تتكبس ..
قالتلهم : نحبّ نروّح للدار..
قالولها : نشيّعوك .. نخافوا عليك 
من الفزّاعة..
ضحكت والنفس مقطوع : 
آنا بيدي ولّّيت فزّاعة ،
يخوّفوا بيها الكبار..

يحكيو على ثورة ، 
عملوها الصغار ..
ركبوا عليها الكبار
وخنقوها نفس نفس ..
قعد نصّها يتحكى ، يتبكى ، يتحسّ
ونصّها الآخر
يوجع كيف يتمسّ
ماشي ع الجمار
عريان، متخبّي، مندسّ ..

على ثورة علّمتنا حاجات 
وحاجات
صحّى ليه الّي منّا على خاطرها مات
وصحّى للّي فهم علاش جات
وآمن بيها حتّى (تخنقت
ووفات ..)
Libellés : 0 commentaires | edit post
Réactions : 
Nawras



وطني .. أوجعني البكاء عليك ،
 وأسهدتني مخاوفي ..
 شعبي الحزين عليك
 يقف على يأس المشارف ..
 يغرس الآه بعينيك
 ويُذَلّ على نار القذائف ..
 شعبي أنا قهر الصمت
 ليموت في يديك ،
 حُلمه أن يراك عزيزا
 بنسمة المجد الجارف !
 حُلمه يُقتتل
 على ضفاف جفنيك
 باسم هيبة القمع الزائف ..
Libellés : 0 commentaires | edit post
Réactions : 
Related Posts with Thumbnails